Dagli 000


Bago pa man naging derektor ng malalaking produksyon tulad ng Batman at Inception, gumawa si Christopher Nolan ng isang pelikulang may pamagat na Following. Simple lang ang kwento; tungkol sa isang writer na hindi makasulat. Medyo gasgas na kung iisipin. Pero ang ginagawa nya, sinusundan nya ang mga tao. Kahit sino lang. Habang sinusundan ang kung sino mang matipuhan nya, umaasa syang makakuha ng isang material na pwedeng isulat. Medyo sira kung iisipin pero sya yung bida eh. Isang araw, mali yung napili nyang sundan. Isang magnanakaw, na napansin na sinusundan nga sya. Kinumpronta yung bida, nakinig sa paliwanag, at niyaya sa isang raket. Pagnanakaw. At panggugulo ng buhay ng ibang tao sa pamamagitan ng pagnanakaw. Exciting at masaya. Tuwangtuwa ang writer. Sa paghalukay ng mga gamit ng kung sino man, ginagawan nila ito ng kwento. Walang pakialam kung tama o mali. Ang pinaka-interesanteng parte ng pelikula para sa akin ay noon pinag-usapan nila ang diary. Sabi ng writer, personal yan, wag nating pakialaman. Sabi ng magnanakaw. Tanga. Nagsusulat ang tao sa diary ng mga sekreto, pagnanasa, dahil sa kalalimlaliman, gusto nilang may makabasa nito. Na sana balang araw, may makaintindi kung sino sya talaga at kung ano ang pinagdadaanan niya. Iniingat-ingatan pero gusto rin ikalat, ilantad pa nga sa lahat. Para sa akin, yung ang pinaka-kaluluwa ng kwento, ng pelikula, ng kahit anong likhang sining. Sa huli, finrame lang pala ang bidang writer. Hindi ko na alam kung paano nagkadugtong-dugtong ang lahat. Alam mo na, film noir, neo noir, ewan. Hilig ko yung mga ganitong tipo ng pelikula pero hindi pinroseso ng utak ko. Yung eksena lang tungkol sa diary ang natira. Nahuli ng pulis at kinulong ang writer sa lahat ng kagaguhan ng isang taong naisipan niya lang sundan. Nagbabasakaling may maisulat sya. Kawawang writer. Kawawang writer. Kawawang writer.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s