Noong nakaraang taon, sumulat ako ng sanaysay tungkol sa akala kong pagtatapos ng palabas na Please Be Careful with My Heart. Doon hinimay-himay ko ang mga sociopolitikal na aspeto ng naratibo ng palabas, at sa laking gulat ko sa galit na tinanggap ng blog ko! Magpahangang ngayon, hindi ko pa nasulat ang aking ‘a brief response’ na layunin sana bigyan linaw ang mga punto ko sa nasabing sanaysay. Naging subsob sa ibang gawain, nang tumagal kinalimutan ko na rin ang plano.
Naalala ko ang mga madramang tagpo sa aking blog dahil sa isang picture sa Facebook. 
Interesado lang ako malaman ang stand ngayon ng mga fans, lalo na yung mga haters ko, hingil sa naging takbo ng kwento. Ang binato nila sakin noon, bakit mo pilit dinudugtong ang palabas sa tunay na buhay? Hindi ba pwede, hinaing nila, na manood ng palabas dahil gusto lang ng tao manood ng palabas? Wag na isali ang pulitika, ideolohiya, ekonomiya, etc.
Paano to ngayon na ang palabas na mismo ang naglantad kung gaano ito naka-ugat sa realidad? Sa pamamagitan nang pag-extend at extend ng kwento para mapagsilbihan ang ekonomikong interest ng tagagawa (ABS-CBN).
Jacob Laneria 